របៀបនៃការថែទាំចង្ក្រាន

ស: តើខ្ញុំគួរសម្អាតចង្ក្រានដោយរបៀបណា?
ច: អតិថិជនដែលប្រើប្រាស់ចង្រ្កានអ៊ីឃុកគួរសម្អាតចង្រ្កានក្រោយពីពេលប្រើប្រាស់បន្ទាប់ពីទុកចង្រ្កានអោយត្រជាក់សិន។ ការសម្អាតចង្ក្រាននេះត្រូវប្រើក្រណាត់ទន់ហើយសើម ឬជ្រលក់ទឹកសាប៊ូតិចៗដើម្បីជូតសម្អាត ហើយទុកវាអោយស្ងួត ឬប្រើក្រណាត់ទន់ហើយស្ងួតមួយទៀតដើម្បីជូនជាការស្រេច។បញ្ជាក់៖ មិនត្រូវប្រើអាចម៏ដែកដុសចានឆ្នាំង ឬសម្ភារៈណាដែលរឹងដើម្បីសម្អាចង្ក្រានទេព្រោះវាអាចធ្វើអោយឆ្កូត ឬខូចកញ្ជក់របស់ចង្ក្រាន។

ស: តើចង្ក្រានប្រភេទនេះប្រើជាមួយឆ្នាំងណាក៏បានមែនទេ?
ច: ទេ មិនដូច្នោះទេ ចង្ក្រាននេះរើសឆ្នាំង គឺវាចម្លងកំដៅចំពោះតែឆ្នាំងឬសម្ភារៈណាដែលមានជាតិម៉ាញ៉េទិចតែប៉ុណ្ណោះ ដូចជាឆ្នាំងប្រភេទដែលអ៊ីណុក ឬដែកក្រាស់។ ជាក់ស្តែងយើងផ្តល់ជូនអតិថិជនឆ្នាំង១ឈុត ដែលមានដល់ទៅ៣ឆ្នាំងសម្រាប់អតិថិជនដែលជាវចង្ក្រានពីក្រុមហ៊ុនយើង គឺដើម្បីអោយកាន់តែមានភាពងាយស្រួលក្នុងការប្រើប្រាស់ និងដើម្បីអោយដឹងថាចង្រ្កានដំណើរការ ឬឆ្នាំងប្រភេទណាអាចប្រើប្រាស់ជាមួយចង្ក្រាននេះបាន។ ប្រសិនបើដាក់ឆ្នាំងទៅវាមិនដំណើរការ ឬមិនចំលងកម្តៅនោះមានន័យថាឆ្នាំងនោះមិនអាចប្រើជាមួយចង្រ្កាននោះបានទេ។

ស: តើខ្ញុំអាចប្រើខ្ទះជាមួយចង្រ្កានអ៊ីឃុកបានដែរទេ?
ច: អាចបានប្រសិនបើខ្ទះរបស់អ្នកគឺជាខ្ទះប្រភេទបាតសំប៉ែតរាបស្មើ និងជាខ្ទះធ្វើពីដែរអ៊ីណុក ឬដែកក្រាស់ តែប្រសិនបើខ្ទះរបស់អ្នកបាតកោងនោះអ្នកមិនអាចប្រើបានទេព្រោះផ្ទៃនៃចង្រ្កានអ៊ីឃុកគឺមានផ្ទៃរាបស្មើ។

ស: តើមានលេខទូរស័ព្ទខាងសេវាកម្មដែរឬទេ?
ច: បាទ/ចាស , អតិថិជនអាចខលទៅលេខ 0979558411/095948845

ស: តើចង្រ្កានអ៊ីឃុកនឹងក្តៅដែរឬទេប្រសិនខ្ញុំបើកវាហើយភ្លេចបិទ?
ច: ប្រសិនបើអ្នកបើកហើយមិនដាក់ឆ្នាំងលើចង្ក្រាននោះចង្កា្រនមិនដំណើរការទេ ហើយប្រសិនបើអ្នកដាក់ឆ្នាំងនោះវានឹងដំណើរការ តែប្រសិនបើមានតែឆ្នាំងទទេនោះចង្ក្រាននឹងបិទវិញដោយខ្លួនឯងបន្ទាប់ពីដំំណើរការបានមួយរយៈខ្លី គឺវាមានសុវត្ថិភាពមែនទែន។នបើមានតែឆ្នាំងទទេនោះចង្ក្រាននឹងបិទវិញដោយខ្លួនឯងបន្ទាប់ពីដំំណើរការបានមួយរយៈខ្លី គឺវាមានសុវត្ថិភាពមែនទែន។

ស: បន្ទាប់ពីចម្អិនអាហាររួចតើចង្ក្រាននឹងនៅក្តៅទៀតទេ?
ច: បាទចង្ក្រាននឹងនៅក្តៅមួយរយៈខ្លីបន្ទាប់ពីអ្នកចម្អិតអាហាររួចភ្លាមតែមិនយូរប៉ុន្មានទេវានឹងចុះត្រជាក់ធម្មតា។
‍

កម្រិតនៃការប្រើបាស់ភ្លើងអគ្គិសនី

ស: តើចង្រ្កានអ៊ីឃុក ប្រើប្រាស់​(ស៊ី)ភ្លើងអស់ប៉ុន្មាន?
ច: វាអាស្រ័យលើការប្រើប្រាស់តាមតម្រូវការរបស់អតិថិជនម្នាក់ៗ តែបើសិនជាអ្នកប្រើប្រាស់តែចង្ក្រានតែម្ខាងហើយក្នុងកម្រិតដែលក្តៅបំផុតនោះវាប្រើប្រាស់ភ្លើង១គីឡូវ៉ាត់ក្នុង១ម៉ោងពេញ។

ស: បើគិតជាការចំណាយថ្លៃភ្លើងធ្វើម្ហូប តើខ្ញុំត្រូវចំណាយប្រហែលប៉ុន្មាន?
ច: តាមទិន្នន័យដែលទទួលបានពីអតិថិជនមុនៗគឺពួកគាត់ចំណាយថ្លៃភ្លើងប្រមាណជាបីរយរៀលក្នុងកាលធ្វើម្ហូបមួយពេល ដែលធៀបហ្នឹងហ្គាសគឺគាត់ចំណាយប្រមាណជាប្រាំរយរៀលក្នុងមួយពេល។

ស: តើចង្ក្រានអគ្គិសនីអ៊ីឃុកល្អជាងចង្ក្រានហ្គាសដូចម្ត៉េចខ្លះ?
ច: ចង្រ្កានអ៊ីឃុក គឺល្អជាងចង្ក្រានហ្គាសព្រោះផ្តោត និងបំពាក់សំភារៈសុវត្ថិភាព(ចង្រ្កានមិនមានអណ្តាតភ្លើង ហើយភ្លើងត្រូវបានបំលែងជាកំដៅ)ជាពិសេសនោះគឺថាមពលកំដៅប្រមាណជា៩០%ដែលបំលែងពីអគ្គិសនីគឺចូលទៅលើការចម្អិន ដែលសម្រាប់ចង្ក្រានហ្គាសគឺមានតែកំដៅប្រមាណ៥០%ប៉ុណ្ណោះដែលចូលទៅក្នុងការចម្អិនម្ហូបអាហារដែលប្រមាណជាពាក់កណ្តាលគឺភាយចូលក្នុងខ្យល់ ឬបរិយាកាស។


របៀបនៃការបង់បា្រក់
‍
ស: តើអតិថិជនបង់ប្រាក់តាមរបៀបណា?
ច: រាល់ការទូទាត់ពីអតិថិជនគឺធ្វើឡើងតាមបញ្ជរភា្នក់ងារវេរប្រាក់វីង នឹងកម្មវិធីធនាគារអេប៊ីអេ នឹងអេសុីលីដា

ស: តើមានការប្រាក់ក្នុងការបង់ប្រាក់តាមរយៈការបង់រំលស់តាមរយៈប្រព័ន្ធផេហ្គោដែរឬទេ?
ច: បាទគឺមិនមានការប្រាក់សម្រាប់ការបង់រំលស់តាមរយៈប្រព័ន្ធផេហ្គោទេ។ អតិថិជនគ្រាន់តែបង់ប្រាក់ទៅតាមតម្លៃដែលគាត់បានជ្រើសរើសបង់ប្រចាំខែជាការស្រេច។
‍